Tojikiston Respublikasi Prezidenti Imomali Rahmon 1-oktabr kuni Millat saroyida Rossiya Federatsiyasi Bosh vazirining oʻrinbosari va Iqtisodiy hamkorlik boʻyicha Tojikiston-Rossiya hukumatlararo qoʻshma komissiyasining hamraisi Marat Xusnullinni qabul qildi, deb xabar berdi prezident matbuot xizmati.
Uchrashuvda Tojikiston va Rossiya oʻrtasidagi koʻp qirrali hamkorlikni mustahkamlash masalalari muhokama qilindi.
Suhbat boshida Prezident Imomali Rahmon shunday dedi: "Biz Tojikiston-Rossiya strategik sheriklik va ittifoqchilik munosabatlarini yuksak qadrlaymiz".
Iqtisodiy hamkorlik boʻyicha hukumatlararo komissiyaning hamkorlik jarayonini rivojlantirishdagi roli muhim deb eʼtirof etildi.
Ikki mamlakat oʻrtasidagi sanoat, energetika, infratuzilma, qishloq xoʻjaligi va raqamli iqtisodiyot sohalaridagi aloqalarni kengaytirishga katta eʼtibor qaratildi.
Tomonlar transport va logistika sohalarida aloqalarni rivojlantirish, qoʻshma korxonalar tashkil etish, investitsiya loyihalarini amalga oshirish, Tojikistonga neft mahsulotlari yetkazib berish va yirik infratuzilma loyihalarini amalga oshirish bilan bogʻliq masalalarni muhokama qilishdi.
Tojikiston-Rossiya munosabatlarining boshqa dolzarb masalalari bo'yicha ham fikr almashildi.
