Shanxay hamkorlik tashkilotining 25 yilligiga bag'ishlangan "ShHT transport va logistika" xalqaro ko'rgazmasi 19-20 oktyabr kunlari Dushanbe shahrida bo'lib o'tadi.
Tojikiston Savdo-sanoat palatasi ma'lumotlariga ko'ra, ShHT transport yo'laklarini rivojlantirish, logistika infratuzilmasini modernizatsiya qilish va tashkilot hududida yuk tashishni raqamlashtirishga ustuvor ahamiyat beradi.
Koʻrgazma ShHTga aʼzo davlatlarning transport, logistika, avtomobilsozlik, transport infratuzilmasini rivojlantirish va zamonaviy logistika texnologiyalari sohalaridagi salohiyatini namoyish etish uchun platforma boʻlib xizmat qiladi.
Tadbirda ishtirok etish kompaniyalarga o'z faoliyatini taqdim etish, yangi biznes hamkorlar topish va hamkorlikni kengaytirish imkonini beradi.
Ko'rgazma doirasida ShHT Biznes kengashining transport, logistika va qishloq xo'jaligi bo'yicha ishchi guruhining yig'ilishi ham bo'lib o'tadi. Yig'ilish davomida mutaxassislar, tegishli vazirliklar vakillari va logistika kompaniyalari rahbarlari ShHT mintaqasida uzluksiz logistika yo'nalishlarini yaratish masalalarini muhokama qiladilar.
Tojikiston Savdo-sanoat palatasi ma'lumotlariga ko'ra, ko'rgazma va uchrashuv amaliy hamkorlikni mustahkamlash, tegishli idoralar va biznes hamjamiyati o'rtasida biznes aloqalarini rivojlantirish hamda transport va logistika sohasida qo'shma tashabbuslarni ilgari surish uchun mo'ljallangan.
Ko'rgazmada ShHTga a'zo davlatlar, shuningdek, hamkor va kuzatuvchi davlatlar kompaniyalari ishtirok etishga taklif etiladi.
